كوسه بالباشميل ؟؟

كوسه بالباشميل ؟؟

المقادير
كيلو كوسه بروكلى اى كميه حسب الرغبه ممكن ربع ك او اقل قرنبيط وده اختيارى برضه حسب الرغبه
فلفل اخضر
بشاميل لحمه مفرومه
انا مبحبش اقلى الكوسه فى زيت زى ماناس كتير بتعمل لانها بتبقى تقيله شويه وبعدين عشان المقليات بتبقى مش صحيه قوى
عملت ايه شوحتها فى معلقتين زيت زيتون مع الفلفل والبروكلى والقرنبيط لغايه ماتدبل اكنها سوتيه والله طعمها تحفه وتحسوا انها تتاكل كده



على ماتدبل اكون عملت البشاميل

بصله صغيره قوى وفصين توم -4معالق كبار دقيق - مقدار من السمنه او الزيت حسب الرغبه - 3كوب لبن - 1كوب ونص ماء- ملح وفلفل اسود
2مكعب مرقه ومحدش يقول مضره لانى مش بستخدمها كل يوم وبتفرق جدااااا فى الطعم -
نشوح التوم والبصله فى السمنه او الزيت وميتغيرش لونهم يادوب يصفروا

وبعدين نحط الدقيق يادوب لونه يتغير وننزل بال3 كوب لبن مره واحده بايد والايد التانيه فيها المضرب اليدوى وده برضه النزول باللبن مره واحده مش بتدى فرصه للبشاميل يكلكع منك
ونضرب جامد فى اتجاه واحد طبعا اكيد كلكم عارفين اكتر منى كمان
ونخليه على نار هاده بلاش نعلى واول مايتقل لانى بحبه خفيف احط كوب ميا ونص وبيبقى قوامه حلو قوى مش خفيف قوى
والله طعمه بيبقى تحفههههههه
وبعد مايبرد خالص احط بيضتين على البشاميل واعمل بالمضرب تانى



وبعدين ارص نص الكوسه فى الصينيه وفوقها اللحمه المفرومه وبعدين النص التانى ثم البشاميل حلو ثم دى هههههههه
وارش على الوش جبنه رومى مبشوره ورشه بقسماط بيدى طعم مقرمش ولذيذ
بلاش بيض لانه مش بيتماشى قوى مع الكوسه



وبالهنا والشفا