اهلاومرحبا بكم اخواتى عضوات وزائرات منتدى دموع التائبين اذكركم ونفسى بتقوى الله وان ما يلفظ من قولا الا لديه رقيب عتيد واتمنى لكم الاستفاده والاستمتاع بموضوعات المنتدى اختكم فى الله زهرة الجبل 
المنتدى يحتاج الى مديرات فمن تجد فى نفسها القدره على تحمل المسئوليه تراسلنى وفقنا الله الى ما يحبه ويرضاه 
(ورقة اللحمة)بالصور و الشرح
صفحة 1 من اصل 1
(ورقة اللحمة)بالصور و الشرح
من طرف زهرة الجبل الأربعاء يناير 30, 2013 1:30 pm
جايبة لكم النهاردة اكلة دايما بعملها فى العيد لانها بتبقى واو بصراحة باللحمة الضانى و لما عملتها بلحمة عادية ما كانتش اوى و لازم كل عيد نعملها فى يوم من الاربعة طبعا بعد الفتة و الرقاق يا سلام عليهم برضه باللحمة الضانى مممممممم
المقادير
لحمة ضانى - بطاطس - طماطم مقطعة ترنشات بصل ترنشات - فصين توم مقطعين صغير
ملعقة سمن - ملح و فلفل و بهارات و ورق لورى و حبهان - ورق زبدة - ورق المونيوم
الطريقة يا حلوين
بنقطع البصل و الطماطم و الثوم و نحط عليهم الملح و الفلفل و البهارات و اللورى و الحبهان و معلقة السمنة و ممكن الاستغناء عن السمنة انا بصراحة قلت كفاية الدسم الى فى اللحمة الضانى و كفاية كوليسترول كده
و دى هتبقى الخلطة بتاعتنا الى هنستعملها فى الصينية
هنجيب بعد كده صينيتنا و نفرد فيها ورق الالمونيوم الاول زى كده
و بعدين فوق الالمونيوم نحط ورق الزبدة زى كده
و نبدا نحط اول طبقة من الخلطة الى مجهزينها
تانى طبقة بطاطس
فوق البطاطس خلطة تانى
و بعدين صاحبة المقام الرفيع اللحمة الضانى
و نخلى بالنا ان اللحمة تكون من غير عظم يعنى مشفية يا حلوين
و بعدين نحط فوق اللحمة مقدار من الخلطة برضه
ثم طبقة بطاطس و فى الاخر طبعا طبقة من الخلطة
هنحط كوباية مية علشان ما تتحرقش قبل ما نقفل الصينية
ونقفل بعد كده الاول الورق الزبدة و بعده الورق الالمونيوم
و نحطها على عين البوتجاز من فوق شوية لحد لما نسمعها بتغلى و نسيبها ربع ساعة لحد ما نسخن الفرن بتاعنا كويس
و بعدين ندخلها الفرن و هى بتاخد حوالى ساعتين بس فى النص كده لازم نفتح عليها و نزودها شوية مية او شوربة طبعا احسن علشان ما تنشفش مننا و تتحرق
و ده شكلها النهائى بعد ما خرجت من الفرن
بتمنى تكون الوصفة عجبتكم
زهرة الجبل- مديرة المنتدى
-
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى