منتديات دموع التائبين
اهلا ومرحبا بكم اخواتى المؤمنات التائبات الداعيات الى الله من تريد الانضمام الى منتدانا تضغط على كلمة تسجيل جمعنا الله واياكم فى جنات النعيم مع حبيبنا محمد صلى الله عليه وسلم

(ورقة اللحمة)بالصور و الشرح

استعرض الموضوع السابق استعرض الموضوع التالي اذهب الى الأسفل

(ورقة اللحمة)بالصور و الشرح

مُساهمة من طرف زهرة الجبل في الأربعاء يناير 30, 2013 1:30 pm



جايبة لكم النهاردة اكلة دايما بعملها فى العيد لانها بتبقى واو بصراحة باللحمة الضانى و لما عملتها بلحمة عادية ما كانتش اوى و لازم كل عيد نعملها فى يوم من الاربعة طبعا بعد الفتة و الرقاق يا سلام عليهم برضه باللحمة الضانى مممممممم
المقادير
لحمة ضانى - بطاطس - طماطم مقطعة ترنشات بصل ترنشات - فصين توم مقطعين صغير
ملعقة سمن - ملح و فلفل و بهارات و ورق لورى و حبهان - ورق زبدة - ورق المونيوم





الطريقة يا حلوين
بنقطع البصل و الطماطم و الثوم و نحط عليهم الملح و الفلفل و البهارات و اللورى و الحبهان و معلقة السمنة و ممكن الاستغناء عن السمنة انا بصراحة قلت كفاية الدسم الى فى اللحمة الضانى و كفاية كوليسترول كده
و دى هتبقى الخلطة بتاعتنا الى هنستعملها فى الصينية



هنجيب بعد كده صينيتنا و نفرد فيها ورق الالمونيوم الاول زى كده



و بعدين فوق الالمونيوم نحط ورق الزبدة زى كده



و نبدا نحط اول طبقة من الخلطة الى مجهزينها



تانى طبقة بطاطس



فوق البطاطس خلطة تانى



و بعدين صاحبة المقام الرفيع اللحمة الضانى
و نخلى بالنا ان اللحمة تكون من غير عظم يعنى مشفية يا حلوين



و بعدين نحط فوق اللحمة مقدار من الخلطة برضه



ثم طبقة بطاطس و فى الاخر طبعا طبقة من الخلطة





هنحط كوباية مية علشان ما تتحرقش قبل ما نقفل الصينية



ونقفل بعد كده الاول الورق الزبدة و بعده الورق الالمونيوم





و نحطها على عين البوتجاز من فوق شوية لحد لما نسمعها بتغلى و نسيبها ربع ساعة لحد ما نسخن الفرن بتاعنا كويس



و بعدين ندخلها الفرن و هى بتاخد حوالى ساعتين بس فى النص كده لازم نفتح عليها و نزودها شوية مية او شوربة طبعا احسن علشان ما تنشفش مننا و تتحرق
و ده شكلها النهائى بعد ما خرجت من الفرن



بتمنى تكون الوصفة عجبتكم

____________سبحان الله والحمد لله ولا اله الا الله والله اكبر



Razz Mad Razz






َ ربَّنَا ظَلَمْنَا أَنفُسَنَا وَإِن لَّمْ تَغْفِرْلَنَا وَتَرْحَمْنَا لَنَكُونَنَّ مِنَ الْخَاسِرِينَ



avatar
زهرة الجبل
مديرة المنتدى


http://tears00.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى