قسمة ونصيب

الخاتم ده كان نفسي اشتريه اوووووووووووي :(

وفضلت أجمع في فلوسه فتره كبيره

وكل يوم أروح عند المحل إللى شفته عنده واطمن انه موجود
...
فضلت على الحال ده شهور

لغاية ماجيه اليوم الموعود وجهزت المبلغ المطلوب لشراء الخاتم

وروحت المحل وأنا هطيييييييييييير من السعاده

وفوجئت ان الخاتم مش موجود وسالت صاحب المحل

قالي ده اتباع من نص ساعة بس :(

طبعاً كنت هموت من الصدمة !! ومش مصدقه نفسي

ياااااااااااااه بعد كل الشهور دي يتباع في يوم وليلة كده

بكل سهوله :( زعلت أوي وأنا في المحل ، لكن أول ماخرجت ابتسمت وقلت لنفسي

ده مش نصيبـــــــــــــــــــي

وحسيت بالرضــــــا بما قسمه الله لى

.
.

ولقيت نفسي بفكر ومستغربه !!!

ليه بكل سهوله مبقتش زعلانه ان الخاتم مش من نصيبي

ولسه زعلانه ان الشخص إللى كنت بتمناه زوج صالح لى لم بعد من نصيبي

.
.

تعالوا نفكر يابنات إيه الفرق بين الخاتم والزوج الصالح ؟

ولا حاجه ..... !!!

ده خاتم كان نفسي يبقى من نصيبي وفضلت شهور مستنياه وفي الآخر راح لبنت تانيه هو من نصبها

وده شخص احسبه على خير وكنت اتمنى ان يكون زوج صالح لى وفي الآخر بردو راح لبنت تانية وبقى من نصبها

نفس الفكرة بنفس المبدأ

.
.

يبقى ليه صعب على القلب والعقل تقبل فكرة الرضا بما قسمه الله لنا

!!!!!!!!!!!!!!!!!!!

والسؤال المهم إللى لازم تسأليه لنفسك

إيه الفرق بين الخاتم والزوج الصالح ؟

لو عايزه الاجابة مني !!! مفيش فرق الاتنين واحد

وكله في الاول والآخر قسمه ونصيب

ورضــــــــــــــــا بقضاء الله

.
.

وتذكري أختي الحبيبة

إن من ملأ قلبه من الرضا بالقدر , ملأ الله صدره غنيً وأمناً وقناعة

فالرضا يفرغ القلب لله , والسخط يفرغ القلب من الله

إن الرضا بالقضاء أشق شيء علي النفس , بل هو ذبحها في الحقيقة
ولا تصير مطمئنة قط حتى ترضي بالقضاء

فحينئذ تستحق أن يُقال لها :

يَا أَيَّتُهَا النَّفْسُ الْمُطْمَئِنَّةُ * ارْجِعِي إِلَى رَبِّكِ رَاضِيَةً مَّرْضِيَّةً * فَادْخُلِي فِي عِبَادِي * وَادْخُلِي جَنَّتِي - سورة الفجر

صدقت ياربي يا أرحم الراحمين

.
.

وكما قال سفيان الثوري رحمه الله : منعه عطاء

وعن وهب بن منبه رحمه الله قال : وجدت في زبور آل داود : هل تدري مَن أسرع الناس مرّاً علي الصراط ؟
الذين يرضون بحكمي , وألسنتهم رطبة من ذكري

هل تدري أي الفقراء أفضل ؟
الذين يرضون بحكمي وبقسمي , ويحمدوني علي ما أنعمت عليهم

هل تدري أي المؤمنين أعظم منزلة عندي ؟
الذي هو بما أعطي أشد فرحاً منه بما حبس

.
.

أنا كده خلصت كلامي ويارب أكون عرفت أوضح لكم الفكرة يابنات

ويارب من النهاردة نبدأ نحس بمعنى الرضــــــــــا بقضاء الله

وان كل شئ فعلاً قسمه ونصيب والقادم أجمل

طالما حُسن الظن بالله يملاء قلوبنــــــــــا


أختكم في الله
فتاة مسلمة

ما شاء الله عليكى سمسمه كلمات من ذهب بل اغلى من الذهب
فعلا الرضا بقضاء الله كنز يريح الانسان فى الدنيا والاخره
واذا علم الانسان انه شاء او ابى فان قضاء الله نافذ فليرضى ويحتسب الاجر من الله
وعلى الانسان ان ينظر الى ما من هو اقل منه ويحمد الله على حياته
جزاكى الله الجنه
ورضى الله عنا فى الدنيا والاخره

اللهم ارزقنا الرضا والصبر بارك الله فيكى موضوع فوق الممتاز