قرنبيط بالبشاميل رووووووووعة

قرنبيط بالبشاميل رووووووووعة


المقادير*

واحدة قرنبيط متوسطة

لحمة مفرومة

بصل

فلفل رومى

حبة طماطم

ملح

فلفل

كمون

بهارات شاورمة (اختيارى)

للبشاميل

6معالق دقيق

1\2كيلو لبناولبن على شوربة 2بيضة

2معلقة قشطة او زبدة



الطريقه*

اول حاجة هنسلق القرنبيط فى مية وملح وكمون وهنسويه شوية عن بتاع القلى

وبعدين هاعصج اللحمة ودى باسخن الطاسة الاول وانزل عليها باللحمة على طول بدون دهون

واشوحها شوية وبعدين باضيف البصل وبعدين الفلفل الرومى

ولما تستوى باضيف لها طماطماية متقطعة صغير والملح والفلفل والبهارات

والبشاميل برضه باعمله بدون دهون على البارد

باحط الدقيق واللبن والشوربة لو مفيش باضيف للبن واحدة مرقة فورية

وملح وفلفل واضربهم فى الخلاط وبعدين احطهم على نار هادية

واقلبهم بالمضرب السلك لحدما يستوى خالص

اما البيض فانا بافضل اضيفه على وش الصينية



كده جهزنا كل حاجة فاضل هنجيب الصينية وافرش فيها طبقة من البشاميل علشان ميلزقش لانى مش هاحط سمنة

طبعا انا عاملة البشاميل تقيل مش زى السمك العادى اللى متعودين عليه

ودا علشان احنا بناكل وهو سخن وانا عاوزة القطعة تكون ماسكة نفسها

وبعدين هرست القرنبيط بالشوكة وضيفت له اللحمة وقلبتهم كويس مع بعض

ودا طبعا له سبب ان الولاد بياكلوا اللحمة لما باحطها فى النص ويسيبوا لى الباقى

بس على مين انا ضحكت عليهم



وضفت له معلقتين بشاميل وحطيته كله فى الصينية



وبعدين حطيت البيضتين على باقى البشاميل وصبيته على الوش



وسيحت القشطة وحطيتها على الوش طبعا لو عاوزة جبنة او زبدة ينفع انما انا بافضل القشطة

ودخلتها الفرن لما استوت وطلعت بالشكل ده



ودى لما اتقطعت شايفين طالع قطعة واحدة ازاى وريحته وطعمه مالوش حل والله




منقوووووووول