منتديات دموع التائبين
اهلا ومرحبا بكم اخواتى المؤمنات التائبات الداعيات الى الله من تريد الانضمام الى منتدانا تضغط على كلمة تسجيل جمعنا الله واياكم فى جنات النعيم مع حبيبنا محمد صلى الله عليه وسلم

احلى بسبوسه وبالقشطه كمان

استعرض الموضوع السابق استعرض الموضوع التالي اذهب الى الأسفل

احلى بسبوسه وبالقشطه كمان

مُساهمة من طرف زهرة الجبل في السبت مارس 17, 2012 7:54 am

السلام عليكم ورحمه الله وبركاته

ازيكو اخواتى فى الله
اليوم حبيت اقولكو على طريقه سهله لعمل احلى بسبوسه بالقشطه ان شاء الله تجربوها وتظبط معاكو ومن اول مره بس اهم حاجه انكو تدعولى لانها بجد تحففففففففه شكلها يجنن وريحتها وطعمها بجد خياااااااااااال ومش بتاخد وقت يلا بلاش رغى واقولكو على الطريقه
نقول بسم الله

اولا المقادير
:

كوبايه ونص سميد الكوبايه دى اللى هى المج الازاز اللى موجود فى كل البيوت طبعا عرفينو كلكو
كوبايه سكر
وكوبايه لبن بودره
ملعقه صغيره بكنج بودر
علبه قشطه نسله او المراعى او اى نوع اللى هى 160 جرام
مقادير الشربات:كوبايه ونص سكر وعليهم كوبايه ونص ميه يغلو غلوه واحده وتضيفى عليهم شويه فانيليا وتطفى النار

جهزتو المقادير يلا نبدا بسم الله

هنحط كل المقادير الجافه على بعض ونقلبهم كويس وبعدين نعجنهم بعلبه القشطه هتتكون معاكى العجينه على طول ولو احتاج الامر لاضافه ملعقه او اتنين ميه مفيش مشكله بس متزوديش شفتو سهله ازاى وبعدين فى صنيه مقاس 30 او 28 تدهنيها سمنه او زبده وتفردى البسبوسه فيها وتدخليها الفرن لغايت لما تلاقى الجوانب ابتدت تحمر تروحى حطاها تحت الشوايه لما تاخد لون دهبى غامق وتخرجيها وتسقيها الشربات سخن وهى سخنه متنسوش البسبوسه والشربات يكونو سخنين

مستنيه تجربو وتردو عليا بدعواتكو بحسن الختام

____________سبحان الله والحمد لله ولا اله الا الله والله اكبر



Razz Mad Razz






َ ربَّنَا ظَلَمْنَا أَنفُسَنَا وَإِن لَّمْ تَغْفِرْلَنَا وَتَرْحَمْنَا لَنَكُونَنَّ مِنَ الْخَاسِرِينَ



avatar
زهرة الجبل
مديرة المنتدى


http://tears00.own0.com

الرجوع الى أعلى الصفحة اذهب الى الأسفل

رد: احلى بسبوسه وبالقشطه كمان

مُساهمة من طرف مسلمة مصريه في السبت مارس 17, 2012 11:47 pm

تسلم الأيادي
بس كان نفسنا في صورة تجري ريقنا
مش هنطمع في حتة هي صورة بس

____________سبحان الله والحمد لله ولا اله الا الله والله اكبر
avatar
مسلمة مصريه
مشرفة منتدى الصحه والطب البديل


الرجوع الى أعلى الصفحة اذهب الى الأسفل

رد: احلى بسبوسه وبالقشطه كمان

مُساهمة من طرف زهرة الجبل في الأحد مارس 18, 2012 6:09 am

مسلمة مصريه كتب:تسلم الأيادي
بس كان نفسنا في صورة تجري ريقنا
مش هنطمع في حتة هي صورة بس

تسلمى يا قمر
بس كده ولا يهمك




الف هنا وشفا

____________سبحان الله والحمد لله ولا اله الا الله والله اكبر



Razz Mad Razz






َ ربَّنَا ظَلَمْنَا أَنفُسَنَا وَإِن لَّمْ تَغْفِرْلَنَا وَتَرْحَمْنَا لَنَكُونَنَّ مِنَ الْخَاسِرِينَ



avatar
زهرة الجبل
مديرة المنتدى


http://tears00.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى