البصاره من مطبخى بالصور على طريقة الشيف شربينى

هنبتدى بالمقادير وهى سهله اوى
اولا هنجيب ربع كيلو فول مدشوش عاملى اربع اطباق
ثانيا هنجيب ربطة كسبره وربطة بقدونس وربطة شبت انا قولتلكوا انها كانت موجوده عندى فى الفريزر
هنجيب مكعب مرق دجاج
وبصله كبيره وتوم كتير
ولو عندك نعناع اخضر حطى كمان انا مكنش عاندى بس حطيت شويه نشفين
وطبعا الملح والكمون والشطه



انا كدا حطيت الفول بعد غسله فى الحله وحطيت نصها ميه ونضفت البصله وقطعتها وحطيت التوم
والشبت والبقدونس والكسبره والمرقه والنعناع والملح والبهارات
هرفعهم على النار لغاية ما الفول يستوى



بعد ما تستوى نسبها تبرد شويه وبعدين نضربها فى الخلاط كويس اوى وبعدين نغرفها فى الاطباق]



بعد كده هنجهز التقليه وهى عباره عن بصله مخرطه ومعاها توم مقطع ونحمرهم فى الزيت
بعد كده ننشلهم من الزيت ونجيب الزيت بتاع تحمير البصله ونحط معلقه فى كل طبق بعد ما يبرد ونزين بعد كده بالبصل