يا دوبك هما 3 أسئلة

يا دوبك هما 3 أسئلة


السؤال الأول :-

لو انت عندك حمـــار هتركبه ولا هتشيله ؟؟
_ هى دى محتاجة سؤال ؟؟؟ _ ( معلش خليك معايا للآخر )

أكيـــد هركبه طبعاااا هو انا اتجننت لسمح الله ؟؟؟

لأ احب اقولك ان إجابتك غللللط ... انت شايل الحمار مش راكبه !! هو اللى راكبك ,,, و أديك قولت بنفسك اللى يعمل كده يبقا اييييه (مجنووووون طبعاااا )

ايوه مجنــون اللى يشيل الدنيا فوق راسه و تكون الدنيا ركباه ,,,
ايوه مجـنـون اللى ميركبش الدنيا و يتخذها كوسيلة للوصول للآخرة ,,,

المجنون هو اللى ( شااااايل الحمــــار )

اوعى تكون شايل الحمار .... اوعى تكونى شايلة الحمار )



السؤال الثانى :-

لو انت عندك عربيه BMW موديل 2012 تنفع تروح لواحد سمكرى و تقوله ( خد العربيه الل BMW دى انا مش عاوزها و ادينى بدالها عربيه 128 و لو مش عندك مفيش مشاكل هات عجلةاو موتوسكيل مش فارقة و ممكن كمان اديلك الفرق ,,, ايه رأيك ؟؟ )



اكيد السمكرى هيقول عليك إيييه ؟؟؟ ( مجنوووون طبعا و حتما ولابد )

ايوه مجنون اللى يبيع الجنة و مافيها من الحور العين اللى الواحدة منهم تغنيك عن كل نساء الارض و كل ده تتحرم منه علشان نظرة حرام فى الدنيا .



ايوه مجنون اللى يسمع الاغانى اللى فى الدنيا و يتلذذ بيها و يبيع الجنة اللى فيها من الموسيقى اللى عمرك ما سمعته ولا هتسمعه و لايخطر على بالك انك تسمعه و كل ده حلاااااال طبعااا.



ايوه مجنونة اللى لبست البادى و السكينى و .. و... و باعت الجنه اللى هتكون فيها على رأس الحور العين ..

ايوه مجنون اللى ياكل مال حرام فى الدنيا ... مجنون اللى يسرق فى الدنيا ...
يااااااااه لو عرف هو باع ايييييييه بإيييييه ساعتها الندم مش هينفع و هيتمنى لو يرجع يوم واحد بس يطيع فيه لربنا و يتوب فيه لكن خلااااص مينفعش فاااااات الاوان ....


قال تعالى : " وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا (27)
يَا وَيْلَتَى لَيْتَنِي لَمْ أَتَّخِذْ فُلَانًا خَلِيلًا (28)لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي وَكَانَ الشَّيْطَانُ لِلْإِنسَانِ خَذُولًا (29)

( احسبها كويس انت بعت ايه بإيييييييه ؟؟؟ و ساعتها هتعرف انت خسرت أد اييييييه ؟؟؟؟ )




السؤال الثالث:-

يا ترى تقـــــدر ؟؟؟

انت بتقدر اصلا على نار الدنيا اللى هى جزء من سبعين جزء من نار جهنم؟؟
انت لما بتكون ماشى فى يوم و الدنيا حرررر جداااا بتستحمل ؟؟
ولا بتبقا بتجرى عاوز توصل للبيت عشان تقعد فى التكييف ؟؟

قُلْ نَارُ جَهَنَّمَ أَشَدُّ حَرًّا لَوْ كَانُوا يَفْقَهُونَ

طيب جربى و انتى فى المطبخ تتلسعى مش شعلة البوتاجاز شوفى ايه اللى بيحصلك .؟؟ او لما بتبقى مولعة الفرن و سيباه يسخن و تيجى تفتيحه شوفى الصهــد اللى بيطلع فى وشك اول ما تفتحيه ؟؟
يا جمااااااعة كل ده ميساويش حاجة فى نار جهنم اصلا ..

و ليكن ده شعارنا من اليوم

اصل انا مقدرش عينى تتحرق فى الاخرة علشان نظرة حرام فى الدنيا .
اصل انا مقدرش ودانى تتحرق فى الاخرة علشان سمعت اغنية حرام فى الدنيا .
اصل انا مقدرش لحمى يتحرق فى جهم علشان مال حرام أكلته فى الدنيا .
مقــــدرش .... مقدرش استحمل لسعة نار فى لسانى علشان كلام حرام اتكلمته فى الدنيا . مقــــدرش ...



و اخيـــــرا

اجعل الدنيا وسيلة لا غايه ( اركبها متخليهاش تركبك )
اوعى تبيع نعيم الجنة الخااااااااالد بنعيم الدنيا الفانية الزااااااااائف .
اوعى تعصيه لأنك متقدرش على عقابه ( سبحانه و تعالى ) لأنك متقدرش على نار جهنم ..

خلى هدفك فى الحياة ( الجنـــــــة و بس )
حلمك انك تدخل ( الجنـــــة )
ياترى هتعمل ايه لو عاوز تدخل الجنة ؟؟؟؟

و السلام عليكم ورحمة الله و بركاته